Eko 5 vite më parë

AKK: “Drejtori i Agim Veliut në konflikt interesi, duhet të shkarkohet” (Dokument)

Autori:Avdyl Pajaziti

Agjencia Kundër Korrupsionit ka vërtetuar se ekziston konflikt interesi dhe kufizim ne ushtrimin e funksionit publik të këshilltarit Komunal në Komunën e Podujevës, Afrim Shabani i cili njëherësh është edhe ushtrues i detyrës së Drejtorit të Qendrës Kryesore të Mjekësisë Familjare në Podujevë.

Në vendimin e AKK-së thuhet se zyrtarit të lartë, Afrim Shabani i është bërë shkresa e parë njoftuese për fillimin e shqyrtimit të gjendjes së mundshme të konflikti të interesit pas së cilës kanë organizuar takim në zyret e AKK-së, transmeton Indeksonline

“Zyrtari i lartë, Afrim Shabani është njoftuar në këtë takim se gjatë ushtrimit të funksionit publik si zyrtar i lartë, Këshilltar komunal në Kuvendin Komunal të Podujevës nuk mund të ushtroj funksionin si u.d i Drejtorit të Qendrës Kryesore të Mjekësisë Familjare në Podujevë, pasi që kjo situatë cilësohet si kufizim i zyrtarit të lartë në ushtrim të funksioneve tjera krahas ushtrimit të funksionit publik si Këshilltar Komunal”, thuhet në vendimin e AKK-së, transmeton Indeksonline.

Më tej AKK-ja ka theksuar se pas mospërfilljes së afateve nga Afrim Shabani për shmangien e gjendjes së konfliktit të interesit, do të kërkojë nga institucioni ku zyrtari i lartë ushtron funksionin publik që të filloj procedurën për shkarkimin e tij./Indeksonline/

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/akk-drejtori-i-agim-veliut-ne-konflikt-interesi-duhet-te-shkarkohet-dokument/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala