AGK paralajmëron fillimin e procedurave ligjore ndaj deputetes Sahatqia

Autori:Avdyl Pajaziti

Asociacioni i Gazetarëve të Kosovës është i shqetësuar me gjuhën e përdorur nga deputetja e Lidhjes Demokratike të Kosovës, Teuta Sahatqia ndaj gazetarëve në Kuvendin e Kosovës.

“Etiketimi i gazetarëve që përcjellin aktivitetet e Kuvendit të Kosovës si ‘spiun’, AGK vlerëson se është fyerje e rëndë për gazetarët dhe e papranueshme për një shoqëri demokratike. AGK kërkon nga deputetja Teuta Sahatqia të kërkojë falje publike për fyerjen që u ka bërë kolegëve gazetarë dhe njëherësh kërkon nga kreu i LDK-së, Isa Mustafa të distancohet nga deklarimi fyes i deputetes së lartëpërmendur. Asociacioni i Gazetarëve të Kosovës në emër të kolegëve gazetarë, paralajmëron se do të filloj procedurat ligjore ndaj deputetes Sahatqia duke pasur parasysh se kjo nuk është hera e parë që e njëjta deputete reagon me arrogancë, nervozizëm e fyerje ndaj gazetarëve”, thuhet në reagimin e AGK-së

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/agk-paralajmeron-fillimin-e-procedurave-ligjore-ndaj-deputetes-sahatqia/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala