Aeroporti me shërbime më të lira

Autori:Avdyl Pajaziti

Me miratimin e Autoritetit të Aviacionit Civil (CAA) dhe në pajtim me Njësinë e Partneritetit Publiko Privat (PPP), duke filluar nga sot aeroporti ofron program nxitës për kompani ajrore.

Përveç programit të tanishëm nxitës, Aeroporti Ndërkombëtar i Prishtinës ‚Adem Jashari‘ ofron 20% lirim në shërbimet e aeroportit për ditët me më pak ngarkesë në vajtje/ardhje.

Më tej, 100 % lirim ofrohet në çmimet e parkingut të aeroplanit bashkë me zonën e mirëmbajtjes për përdorim, për kompanitë ajrore të cilat stacionojnë së paku një aeroplan në ANP ’Adem Jashari‘ Limak Kosovo.

Me këtë program nxitës kemi për çëllim të tërheqim kompani të reja ajrore dhe frekunca shtesë të fluturimeve të cilat do të kenë ndikim të drejtpërdrejtë në uljen e çmimeve e biletave‘ tha Drejtori Gjeneral i ANP’Adem Jashari‘, Haldun Firat Köktürk.

Të gjitha ofertat e ofruara më parë nga LKIA për destinacione të reja, frekuenca shtesë dhe oferta tjera si volum të lartë të trafikut, përkrahje në marketing etj janë pjesë e programit të ri nxitës, gjithashtu.

Inkurajojmë përfaqësuesit e kompanive ajrore që për të dhëna shtesë të vizitojnë Ueb Faqen zyrtare të LKIA-s.

 

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/aeroporti-me-sherbime-me-te-lira/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala