Abrashi: Opozita përmes anarkisë e kaosit po kërkon regjim monist

Autori:Avdyl Pajaziti

Ministri i Punës dhe Mirëqëenies Sociale, Arban Abrashi e ka quajtur kauzë fiktive organizimin e partive opozitare kundër Asociacionit të Komunave Serbe dhe Demarkacionit me Malin e Zi.

Sipas tij, opozita po tenton përmes anarkisë dhe kaosit të vijnë në pushtet për të vendosur më pas regjime moniste, raporton Gazeta Fjala.

“Në kohën kur Kosovës po tentohet të i imponohen kauza fiktive, Qeveria e Republikës së Kosovës është tërësisht e angazhuar, për zhvillimin ekonomik të shtetit tonë. Pas rritjes së pensioneve, asistencës sociale dhe fillimin e pagesave të pensioneve për veteranët, po punojmë për sjelljen e investimeve të huaja”, ka shktuar Abrashi nw llogarin e tij në facebook.

Ai ka thënë se për kët ka sinjale pozitive, “por për këtë, na duhet stabilitet politik dhe shmangie nga agjendat private, që përmes anarkisë e kaosit dëshirojnë të vijnë në pushtet për të vendosur më pas regjime moniste”, ka thënë Abrashi.

Ministri Abrashi, njëherësh zëdhënës i Qeverisë së Kosovës, si pjesë të urimit për festën e flamurit, ka kërkuar që të gjithë ti përkushtohen zhvillimit ekonomik e social dhe integrimit evropian/Gazeta Fjala/.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/abrashi-opozita-permes-anarkise-e-kaosit-po-kerkon-regjim-monist/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala