AAK synon kthimin e Pejës

Autori:Avdyl Pajaziti

Duke qenë i bindur në kthimin e qeverisjes në Pejë, Ali Berisha ka shpallur të hapura punimet e kuvendit të degës së AAK në këtë komunë nga i cili kuvend do të dalin strukturat e reja udhëheqëse partiake.

Berisha ka falënderuar aktivistët, anëtarët, bashkëpunëtorët dhe votuesit për punën e përbashkët. Derisa në strukturat e partisë janë rritur zërat për ri-kandidimin e Ali Berishes edhe për një mandat, ky i fundit edhe sot ka lënë të kuptohet se AAK e Pejës do ta fitojë kryetarin e ri.

Ramsuh Haradinaj që ka përcjellë punimet, është shprehur i bindur në fitoren e AAK-së në Pejë, raporton Tv Dukagjini.

“Fitorja juaj nis sot. Puna e Kryetarit Berisha dhe reformat e thella bazike në këtë degë janë binomi i fitores në këtë komunë”, ka thënë Haradinaj.

AAK në Pejë sipas statutit 7 ditë pas punimeve të sotme do ta fitojë lidershipin e ri.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/aak-synon-kthimin-e-pejes/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala