Lajme 6 vite më parë

AAK kërkon dorëheqjen e ministrit dhe drejtorit të Policisë

Autori:Avdyl Pajaziti

Ndalimi i mbrëmshëm i Albin Kurtit, mënyra se si është bërë ky ndalim, si dhe krejt ngjarjet e mëpastajme që rezultuan me dhjetëra qytetarë e policë të lënduar, janë krejtësisht të papranueshme.

Kështu vlerëson Aleanca për Ardhmërinë e Kosovës.

“Konsiderojmë se marrja në polici e Albin Kurtit, është në kundërshtim me parimet e demokracisë si dhe në kundërshtim me vetë Kushtetutën, nenit 75 të saj, ku deputetët nuk mund të ndalohen, apo të ndiqen e paraburgosen, për shkak të veprimtarisë së tyre në Kuvend. Skandali me Albin Kurtin, ka qenë i menduar, i kalkuluar dhe është bërë me qëllim të eskalimit të situatës, në mënyrë që më pastaj të fajësohet opozita për veprime të dhunshme”, thuhet në reagimin e AAK-së.

Sipas AAK-së veprimet e së hënës janë përpjekje e pushtetit për të hequr vëmendjen e opinionit publik nga dy marrëveshjet antishtetërore të Demarkacionit dhe Asociacionit!

“Në gjithë këtë ngjarje, është e pashmangshme përgjegjësia e Drejtorit të Përgjithshëm të Policisë dhe Ministrit të Brendshëm. Hapi i parë i kapërcimit të kësaj ngjarjeje të papresedan është dorëheqja e tyre. Njoftojmë qytetarët se opozita tashmë është edhe më e vendosur në kërkesat e saj të ligjshme, për pezullimin dhe korrigjimin e marrëveshjeve për Demarkacionin dhe Asociacionin”, thuhet në reagimin e AAK-së. /Telegrafi/

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/aak-kerkon-doreheqjen-e-ministrit-dhe-drejtorit-te-policise/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala