7000 refugjatë brenda nate në Serbi

Autori:Gazeta Fjala

Të paktën 7.000 refugjatë – burra, gra dhe fëmijë, kanë hyrë natën nga e shtuna në të diel nga Maqedonia në Serbinë jugore, njoftoi Komisariati i Lartë për Refugjatë i Kombeve të Bashkuara (UNHCR), duke paralajmëruar se ardhja e shumë më tepër emigrantëve pritet në ditët në vijim.

UNHCR ka theksuar se nga qeveria maqedonase ka marrë garanci se “kufiri do të jetë i hapur për refugjatët që ikin nga konfliktet në vendet e tyre të origjinës”.

Në anën serbe të kufirit, UNHCR bashkëpunon me autoritetet lokale dhe organizatat humanitare për t’u siguruar strehim dhe ushqim atyre që arrijnë, porse nevojiten akoma më shumë mjete, përfshirë mbulesa, batanija, tenda dhe hapësirë për vendosje, thuhet më tej në komunikatë.

Në të njëjtën kohë,Federata Ndërkombëtare e Kryqit të Kuq dhe Gjysmëhënës së Kuqe (ICRC) ka apeluar për “ndihmë më të madhe për dhjetëra mijëra emigrantë që hyjnë në Evropë përmes Ballkanit Perëndimor”.

“Është i domosdoshëm një nivel më i lartë i bashkëpunimit dhe përpjekjeve të përbashkëta për t’u plotësuar nevojat e të rrezikuarve”, thuhet në komunikatën e ICRC-së.

 

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/7000-refugjate-brenda-nate-ne-serbi/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala