70 për qind e makinave të MTI-së u dëmtuan nga protesta e dhunshme (Video)

Autori:Avdyl Pajaziti

12 Makina të Ministrisë së Tregtisë dhe Industrisë janë dëmtuar gjatë protestës së djeshme.

Kjo ministri sipas zyrtarit të saj Bajram Shala ka gjithsej në dispozicion për kryerjen e punëve të saj 18 makina

Dëmeve nuk u ka shpëtuar as objekti i kësaj ministrie. Janë dëmtuar dera e hyrjes dhe disa dritare.

Zyrtari për Informim i MTI-së Bajram Shala thotë për KALLXO.com se ende nuk është bërë vlerësimi i dëmeve.

“Gjatë ditës së djeshme janë dëmtuar gjithsej 12 vetura të Ministrisë së Tregtisë dhe Industrisë dhe dera e hyrjes dhe disa dritare. Deri tani ende nuk është bërë vlerësimi i dëmeve, por është formuar një komision qeveritar i cili do të vlerësojë dëmet,” tha Shala.

Kjo ministri sipas zyrtarit të saj për informim ka gjithsej në dispozicion për kryerjen e punëve të saj 18 makina. Nga protesta i bie se janë dëmtuar rreth 70 për qind e makinave të Ministrisë së Tregtisë dhe Industrisë.

Shala bëri të ditur se dëmet kanë ndodhur pasi sigurimi i ministrisë nuk ka arritur të evitojë sulmin e numrit të madh të protestuesve.

Ai tregoi se organet hetuese kanë qenë dje në vendin e ngjarjes dha kanë bërë veprimet e tyre hetimore.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/70-per-qind-e-makinave-te-mti-se-u-demtuan-nga-protesta-e-dhunshme-video/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala