Lajme 6 vite më parë

48 orë burg për kryetarin e Gjykatës së Apelit, Salih Mekaj

Autori:Avdyl Pajaziti

Kryetarit të Gjykatës së Apelit, Salih Mekajt i është caktuar nga prokuroria masa e ndalimit prej 48 orësh për shkak të dyshimit të bazuar se kryetari Mekaj ka kryer veprat penale: “Keqpërdorimi i pozitës apo autoritetit zyrtar” , nga neni 422 të Kodit Penal të Republikës së Kosovës dhe veprës penale: “Ushtrimi i ndikimit”, nga neni 431 paragrafi 1 të Kodit Penal të Republikës së Kosovës.

Këtë e ka bërë të ditur Prokuroria Speciale e Kosovës përmes një njoftimi për media. Indeksonline mbrëmë ka raportuar për arrestimin e Salih Mekajt i cili ishte kapur në flagrancë.

Së bashku me të ishte arrestuar edhe një femër ku sipas njoftimit të prokurorisë e dyshuara është V.G për të cilën ekziston dyshimi i bazuar se ka kryer veprën penale” “Dhënia e ryshfetit”, nga neni 429 paragrafi 3, lidhur me nenin 31 “Bashkëkryerja”, të Kodit Penal të Republikës së Kosovës.

Lidhur me këtë rast prokurorja e rastit nga Prokuroria Speciale e Republikës së Kosovës ka marrë aktvendim për fillim të hetimit./Indeksonline/

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/48-ore-burg-per-kryetarin-e-gjykates-se-apelit-salih-mekaj/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala