3.1 milion euro borxhe të Komunës së Prishtinës (dokument)

Autori:Zekirja Shabani

Nuk është vetëm kryetari i Komunës së Prishtinës, Shpend Ahmeti, ai i cili që në ditët e para të ardhjes në krye të Komunës ka nisur për në gjykatë një numër të madhë të lëndëve.

E gjatë është lista në procedurë gjyqësore edhe e atyre që kërkojnë nga Komuna e Prishtinës kompenzim për dëme ose borxhe.

Gazeta fjala ka siguruar një dokument, ku shihet se në 17 raste pretendentët kërkojnë nga Komuna e Prishtinës  kompenzim dëmi ose borxhi në vlerë  3,109,468 euro.

vlera e padive te komunes copy

vlera e padive komuna 2 copy copy

Ky dokument merret vesh se do të publikohet nga zyrtarët komunal ditëve në vazhdim.

Në listën e plëndëve në procedurë gjyqësore, ku palë e paditur ose paditëse është Komuna e Prishtinës shuma më e lartë e borxhit që kërkohet për kompenzim vetëm në një rast ëshë mbi 875 mijë euro. Ndërkaq, për kompenzim të të aardhurave personale në lëndën që mbanë numrin C. nr.1180/10 kërkesa është për 261 mijë euro.

Ndërkaq për lëndët në procedurë përmbaruese vlera e detyrimeve të komunës për vitin 2014 është mbi 302 mijë euro. Kërkesa më e lartë është 278 mijë euro në rastin C. Nr. 2721/2012 që ka marrë aktgjykim të formës së prerë tashmë.

E në anën tjetër në këtë dokument figurojnë edhe dy padi të paraqitura nga Komuna për kompenzim borxhi dhe vlera e pretenduar 1,678,975 euro.

Pas raportimit të Gazetës Fjala se ndaj kryetarit Shpend Ahmeti është ngritur kallëzim penal për favorizim të baxhanakut të bashkëpartiakut të tij, Glauk Konjufca, në Komunën e Prishtinës njoftuan se ndaj kryetarit Ahmeti janë ngritur disa padi gjatë vitit 2014 nga uzurupes të ndryshëm të cilët viteve të fundit  kanë përfituar nga prona publike e komunës së Prishtinës.

“Çdo qytetarë ka të drejtë të ushtrojë kallëzim penal ndaj secilit qytetar tjetër, por në rastin e implementimit të plotë të ligjit, asnjë kallëzim e asnjë kërcënim tjetër nuk do të na zmbrapsë në qëllimin tonë për lirimin e pronave komunale”, shkruan në reagimin e komunës.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/3-1-milion-euro-borxhe-te-komunes-se-prishtines-dokument/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala