133 mijë euro për Ushtrinë e Kosovës

Autori:Zekirja Shabani

Formimi i Forcës  së Armatosur se Kosovës përveç kohës  po i kushton edhe buxhetit të shtetit.

Për bërjen e  kësaj  ushtrie duhen 133 mijë e 240 euro sipas Planit Vjetor të Qeverisë për këtë vit.

Paratë do të investohen në finalizimin e akteve nënligjore sipas kërkesave të Departamenteve dhe njësive organizative në Ministrinë e Forcës dhe Sigurisë së Kosovës.

Presidenti Hashim Thaçi  në paradën për nder të pavarësisë me 17 shkurt, ka thënë se kjo është hera  e fundit ku ne e shohim parakalimin e FSK-së me emrin e saj të deritanishëm.

“Pra, një kohë shumë e shkurtër na ndan nga forca e re cila do t’i ketë kapacitetet e  mbrojtjes dhe do ta ketë një mandat të ri, madhësinë dhe strukturën e re”, ka thënë Thaçi.

Ndërsa Komandanti i FSK-së, gjenerallejtënant Kadri Kastrati në një intervistë për medie ka thënë se janë të gatshëm për detyra të reja dhe të ndërrojnë misionin e tanishëm në  një mision të ardhshëm.

Ndërkohë sipas Qeverisë kanë mbetur edhe 7 muaj për kalimin e FSK-së në FAK./GazetaFjala/

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/133-mije-euro-per-ushtrin-e-kosoves/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala