Eko 5 vite më parë

115 mijë euro për ushqimin e Policisë së Kosovës

Autori:Gazeta Fjala

Policia e Kosovës është përkujdesur që të ketë ushqim dhe pije mjaftueshëm për pjestarët e saj.

Vetëm gjatë ditës së marte, ky institucion  ka publikuar dy njoftime për dhënie të tenderve për furnizim me ushqime, raporton Gazeta Fjala.

Në të dy tender e policisë fituese është shpallur kompania “BeniDona Plast”, në mesin e nga tre ofertuesve për secilin tender. Shuma e përgjithshme e të cilëve arrinë vlerën e 114 mijë e 652 euro.

Kompania fituese “BeniDona Plast”, do të duhet të furnzioj policinë e Kosovës me pije dhe ushqim për koktej sipas tenderit të parë, me çmimin prej 104 mijë 708 euro.

Ndërsa tenderit i dytë, për të cilin u shpall fituese, kërkon furnizim me ushqim sipas pakove, çmimi i të cilit është 9 mijë e 944 .

Tenderët janë paraparë të nënshkruhen në të njëjtën ditë pra me 3 dhjetor. /Gazeta Fjala/

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/115-mije-euro-per-ushqimin-e-policise-se-kosoves/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala