Lajme 6 vite më parë

11 vjet burg për 20 vjeçarin që vrau shokun në shkollë

Autori:Avdyl Pajaziti

Një trup gjykues i Gjykatës Themelore në Mitrovicë- Departamenti i Krimeve të Rënda, shpalli Aktgjykim dënues prej 11 (njëmbëdhjetë) viteve burg ndaj të pandehurit F. H, (1994) me vendbanim në Komunën e Vushtrrisë, pasi i njëjti është gjendur fajtorë për kryerjen e veprës penale “Vrasje”, nga neni 178, të Kodit Penal të Republikës së Kosovës.

Sipas një komunikate të lëshuar për media, i akuzuari është shpallur fajtor sepse me 28 janar 2014, rreth orës 9.00 të mëngjesit në korridorin e shkollës së mesme teknike “Arkitekt Sinani” në Mitrovicë, me dashje, ka privuar nga jeta të ndjerin A.S., pas një mosmarrëveshje të një dite më parë në shkollë, e cila mosmarrëveshje ka vazhduar edhe me fyerje dhe sharje mes tyre në rrjetin social “facebook”.

“I Akuzuari dhe viktima në ditën kritike me t’u takuar para ‘banjos’- në korridorin e shkollës në fjalë, ka filluar përleshja fizike mes tyre. Me këtë rast, i akuzuari nxjerr thikën dhe godet viktimën në anën e pasme të krahut të majtë, ku këto goditje ishin vdekje-prurëse për viktimën”, sqaron komunikata.

Bëhet e ditur se i pandehuri për kryerjen e kësaj vepre penale ka pranuar fajësinë dhe ka shprehë keqardhje për këtë vrasje./Indeksonline/

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/11-vjet-burg-per-20-vjecarin-qe-vrau-shokun-ne-shkolle/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala