10 gjëra për “Air Force”, avionin e çeliktë të Obamës

Autori:Avdyl Pajaziti

Kur presidenti i SHBA ka nevojë të udhëtoj në distanca të largëta apo të shkoj diku shpejt, ai përdor aeroplanin presidencial Air Force One. Ky mjet fluturimi është një nga aeroplanët më të sigurte dhe më luksoz në botë.

Edhe pse fillimisht ishte dizajnuar thjeshtë si një mjet transporti, sot Air Force One është

simbol fuqisë dhe pushtetit. Për arsye sigurie, publiku dinë shumë pak për këtë mjet. Shumë njerëz kanë spekuluar duke dhënë teori të ndryshme sa i përket mundësive të Air Force One, transmeton Express. Ndoshta ne asnjëherë nuk do të kuptojmë se çfarë fshihet pas këtij mjeti, por ne kemi mbledhur 10 fakte interesante për të. Disa nga faktet paraqesin ngjarje historike ndërsa të tjerat paraqesin karakteristikat e mjetit. Një gjë mbetet e sigurte, Air Force One është aeroplani më i avancuar në çdo aspekt të mundshëm.

  1. Franklin Delano Roosevelt është –presidenti i parë që ka pasur avion.

Roosvelt ishte presidenti i 32-të i SHBA dhe aeroplanin presidencial arriti ta përdorte vetëm një herë para se aj të vdiste.

  1. Është e pamundur të hipësh në këtë avion.

Avioni presidencial ka siguri jashtëzakonisht të madhe. Çdo anëtar i stafit në këtë avion është pjesëtar i Ushtrisë Amerikane dhe ka kaluar verifikime të thella nga disa agjenci të sigurisë. Gazetarët dhe mysafirët lejohen vetëm në një pjesë të kufizuar në aeroplan.

  1. Air Force One ka një vëlla binjak.

Presidenti ka qasje në dy Aeroplan Air Force One. Nga jashtë të dy aeroplanët janë pothuajse identik por me disa dallime të vogla në interier, por organizimi dhe mundësitë janë të njëjta në dy aeroplanët presidencial. Njëri aeroplan në bishtin e tij ka numrin 2800 ndërsa tjetri 2900.

  1. Air Force One është shumë madh përbrenda.

Sa i madh mund të jetë? Sipërfaqja e brendshme e tij është 370 metër katrorë. Hapësirat brenda aeroplanit janë të ndara në tri pjesë të cilat përfshijnë zyrën e presidentit, banjën, klinikën mjekësore, palestrën, dhomën e konferencave si dhe një dhomë për udhëtarët. Në këtë fluturake ka 85 telefona, më shumë se 20 televizione dhe një kuzhinë e plotë. Të gjitha këto hapësira janë në shërbim të presidentit që ai të ndihet sa më komod dhe i sigurte.

  1. Presidenti merr me vete limuzinën e tij kudo që shkon.

Në fund të aeroplanit presidencial gjendet pjesa ku futet limuzina presidenciale e cila e shoqëron presidentin kudo që ai shkon. Po ashtu, kjo veturë i ofron mundësi evakuimi presidentit në rast sulmi këtij avioni gjatë kohës sa është në tokë.

  1. Aeroplani presidencial nuk është quajtur përherë Air Force One.

Gjatë presidencës së Dwight D. Eisenhower një incident kishte ndodhur kur një avion civil kishte cenuar hapësirën ajrorë përreth avionit presidencial. Kjo kishte ndodhur si pasojë e identifikimit të avionit presidencial me kode civile. Pas këtij incidenti në vitin 1953, avioni presidencial identifikohet si Air Force One dhe ka të gjitha përparësitë ndaj aeroplanëve tjerë në hapësirën ajrore dhe në aeroportet në SHBA.

  1. Air Force One njëherë ka qenë mjet amfib.

Air Force One filloi shërbimin me mjetin fluturues amfib, Douglas Dolphin. Kjo anije fluturuesi kishte aftësi që të ulej dhe ngritej në tokë dhe në ujë. Ishte mjet i vogël fluturues dhe kishte vend vetëm për 4 persona. Përkundër hapësirës së kufizuar ky mjet ofronte një luks përbrenda.

  1. Air Force One mund ti bëjë ballë pothuajse çfarëdo sulmi të mundshëm.

Lëkura e këtij aeroplani e mbron atë nga pulset elektromagnetike nga armët nuklearë apo burime tjera të mundshme. Ka një ngatërrues të avancuar të valëve të radarit të cilët janë të vendosur përgjatë gjithë mjetit i cili mashtron armiqtë për pozicionin e saktë të avionit. Po ashtu të instaluara janë mashtruesit të cilët shmangin raketat të cilat drejtohen në burim të nxehtësisë. Përveç veçorive mbrojtëse të cilat janë vetëm maja e ajsbergut, ky avion ka edhe sistemin e sulmit i cili është shumë sekret dhe nuk dihet saktësisht se çfarë përmban.

  1. Air Force One nuk ka një kapsulë arratisjeje.

Filmi “Air Force One” me protagonist Harrison Ford, tregon se si presidenti mund të evakuohet përmes një kapsule nëse siguria e avionit komprometohet. Autoritetet e kanë përgënjeshtruar se një tipar i tillë gjendet në avionin presidencial.

  1. Distanca të mëdha mund të përshkohen nga Air Force One.

Air Force One mund të udhëtoj rreth 13,000 km me një furnizim të vetëm me karburant. Distanca përgjatë SHBA është 4300 km, kjo i bie se ky avion mund të shkoj nga bregu lindor në atë perëndimor dhe të kthehet prapë me një furnizim të vetëm. Po ashtu, ky avion nuk ka nevojë që të ulet në tokë që të furnizohet pasi që këtë mund ta bëjë përmes aeroplanëve cisternë të Ushtrisë Amerikane të cilët gjenden kudo ku ka baza ushtarake amerikane në botë, pra mund të rrijë në fluturim në kohë të pa kufizuar.

 

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/10-gjera-per-air-force-avionin-e-celikte-te-obames/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala