Xhaka – Evras: Ki kujdes çfarë thua!

Autori:Gazeta Fjala

2nd-march-2019-wembley-stadium-london-england-epl-premier-league-picture-id1128367480-600x360

Granit Xhaka ka reaguar ndaj kritikëve të skuadrës së tij, Arsenal, e në veçanti kundër Patrice Evras, ish-mbrojtësit të rivalit Manchester United, duke theksuar se francezi është duke e tepruar me fjalë prandaj duhet të ketë kujdes çfarë thotë.

Arsenali e humbi mundësinë për t’u ngjitur në pozitën e tretë në Premierligë të hënën, sepse u mund 1:0 nga Sheffield United, dhe si pasojë kritikat ndaj mesfushorit shqiptar, Xhakës, dhe bashkëlojtarëve të tij u shtuan, shkruana Gazeta Express.

Humbja e mbrëmshme – ku u vunë në pah përsëri dështimet e njëjta – ishte e pesta në 10 ndeshjet e fundit të topçinjve në udhëtim në ligë.

Ish-mbrojtësi i majtë i Unitedit Evra e kritikoi mentalitetin e skuadrës së Arsenalit pas kësaj paraqitje, duke i quajtur foshnje lojtarët e tij.

Pas ndeshjes, Xhaka tha: “Duhet të ndalen këto broçkulla për fuqinë mendore. Për mua është njëjtë, qoftë në shtëpi apo në udhëtim, duhet të fitosh dhe të tregosh karakter dhe lojë të mirë dhe jo gjithmonë të gjesh arsyetime.”

Ndërsa, duke iu përgjigjur kritikave të Evras, përfaqësuesi i Zvicrës tha: “Shumë njerëz e teprojnë duke folur. Nuk është hera e parë që ai thotë diçka për ne”.

“Kam shumë respekt për të sepse ka qenë lojtar i madh, ama duhet të ketë kujdes çfarë thotë”, shtoi Xhaka. /

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: http://gazetafjala.com/xhaka-evras-ki-kujdes-cfare-thua/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala