Veseli përuron shkollën e mjekësisë në Prizren

Autori:Gazeta Fjala

veseli-1-690x380

Kryeparlamentari Kadri Veseli, ka marrë pjesë në ceremoninë e përurimit të Shkollës së Mesme të Mjekësisë, “Luciano Motroni”, në Prizren.

Duke përgëzuar nxënësit dhe mësimdhënësit e kësaj shkolle për objektin e ri, Veseli u shpreh i kënaqur me kushtet të cilat ofron kjo hapësirë e re mësimore, duke iu mundësuar nxënësve të saj të mësojnë në kushte të njëjta me bashkëmoshatarët e tyre në vendet e zhvilluara.

veseli shkolla

Kreu i Kuvendit theksoi se të gjitha shkollat në Kosovë duhet të pajisen me kabinete të informatikës dhe laboratorë të shkencave ekzakte, në mënyrë që nxënësit të kenë mundësinë që të mësuarit teorik, ta materializojnë në mënyrë praktike.

“Kuadrot e reja që do të dalin nga shkollat e Kosovës, si kjo të cilën po e përurojmë sot, duhet të jenë sa më të përgatitur dhe adekuat për nevojat e tregut të punës. Prandaj, nevojitet angazhim i të gjithëve që ta ngrisim cilësinë në arsim dhe ta përmirësojmë edhe më tej infrastrukturën shkollore. Në këtë drejtim, institucionet e Kosovës janë të përkushtuara maksimalisht”, theksoi ai.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: http://gazetafjala.com/veseli-peruron-shkollen-e-mjekesise-ne-prizren/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala