Veseli nënshkruan vendimin për shpërndarjen e Kuvendit

Autori:Gazeta Fjala

69664572_1337195636455639_8269600898678784000_n-600x360

Kreu i PDK-së, Kadri Veseli ka bërë edhe hapin e fundit si kryeparlamentar duke e nënshkruar vendimin për shpërndarjen e Kuvendit.

Këtë e ka bërë të ditur përmes Facebook-ut vetë Veseli, derisa ai ka shkruar se ka marrë iniciativat ligjore dhe kushtetuese për shpërndarje.

“Si Kryetar i Kuvendit i kam marrë të gjitha iniciativat ligjore dhe kushtetuese për shpërndarjen e Kuvendit të Republikës së Kosovës. Më vjen mirë që sot të gjitha partitë politike iu bashkuan iniciativës sime dhe votuan për shpërndarjen e Legjislaturës së Gjashtë të Kuvendit të Republikës së Kosovës. Sapo nënshkrova edhe zyrtarisht vendimin për shpërndarjen e saj”, tha ai, derisa, tutje, ka shkruar se në mandatin e ardhshëm do të ketë sa më shumë të rinj në partinë e tij.

“Në këtë legjislaturë nuk ka pasur mjaftueshëm gra dhe të rinj. Shpresoj të shoh më shumë në mandatin e ardhshëm. Sa i përket PDK-së, jam i sigurt që do të ketë shumë të rinj dhe gra në listën e saj. Ne u përpoqëm shumë që të merrnim një shumicë mbështetëse për iniciativat tona kundër korrupsionit. Në mandatin tjetër do të jetë ndryshe, pasi ne do të vendosim një kod të ri etik”, tha ai.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: http://gazetafjala.com/veseli-nenshkruan-vendimin-per-shperndarjen-e-kuvendit/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala