Vërtetohet edhe shkencërisht: Duhanpirësit janë më pak joshës

Autori:Gazeta Fjala

smoking

Është dëshmuar shkencërisht se njerëzve u duken duhanpirësit më pak tërheqës sesa ata që nuk pinë duhan.

Studimi i kryer nga hulumtues të Universitetit të Bristolit, kishte përfshirë 500 pjesëmarrës të cilëve u ishin prezantuar fytyra me binjakë identikë, transmeton Telegrafi.

Dy qëllimet kryesore të këtij hulumtimi kishin qenë të zbulonin se a është e mundur të kuptohet vetëm duke e shikuar dikë në fytyrë se a pinë duhan, dhe se a ndikon duhanpirja në atë se sa joshës është një person.

Ka shumë faktorë të cilët ndikojnë në pamjen fizike të një personi, duke përfshirë moshën, gjininë dhe ambientin. Prandaj, në mënyrë që të arrihen rezultate sa më të sakta, hulumtuesit kanë eksperimentuar vetëm me binjakë identikë, të cilët kishin pasur të njëjtin material gjenetik, shumë aspekte të njëjta ambientore, etj.

Rezultatet kishin qenë mjaft mbresëlënëse, ku pjesëmarrësit 70 për qind të kohës ia kishin qëlluar se cili person kishte qenë duhanpirës, ndërsa edhe meshkujt edhe femrat i kishin zgjedhur personat të cilët nuk kishin qenë konsumues të duhanit si më joshës.

Hulumtuesit besojnë se këto zbulime mund të shërbejnë si instrument për promovimin e lënies së duhanit, e në veçanti te të rinjtë.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: http://gazetafjala.com/vertetohet-edhe-shkencerisht-duhanpiresit-jane-me-pak-joshes/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala