Tre kosovarë rrahin rëndë zjarrfikësit

Autori:Gazeta Fjala

zz_1474356389-1302116

Dy zjarrfikësit e rinj thuhet ta kenë quajtur “derrkuce të trashë” një paciente që kanë shkuar ta ndihmojnë, pasi që janë alarmuar, thonë qarqe të informuara mirë nga rasti, shkruan portali gjerman

Ky është rasti i parë që ndonjëherë i ka ndodhur shërbimit të zjarrfikësve të qytetit gjerman Gelsenkirchen. Një banor 25 vjeçar i këtij qyteti, por me shtetësi kosovare, së bashku me dy familjarë të tij kanë qenë ata që kanë goditur dy zjarrfikësit, duke u shkaktuar lëndime serioze.

Zjarrfikësit e rinj, 25 dhe 26 vjeçarë, ashtu sikurse dhe kolegët tjerë të tyre vazhdojnë të jenë në gjendje shoku pas asaj që kanë përjetuar natën në mes të të shtunës dhe të dielës, shkruan derwesten.de.

Por ndërkohë policia ka ofruar të dhëna që sigurisht nuk e përmirësojnë atë që ka ndodhur por së paku krijojnë një qartësi rreth motivit të dhunës së ushtruar.

Dy zjarrfikësit e rinj e kanë quajtur “derrkuce të trashë” një paciente që kanë shkuar ta ndihmojnë, pasi që janë alarmuar, thonë qarqe të informuara mirë nga rasti, shkruan portali gjerman, transmeton albinfo.ch. Ndërsa policia e thotë këtë gjë me fjalë më të zgjedhura. “Dy zjarrfikësit e rinj, në një moment janë shprehur në mënyrë përçmuese lidhur me `peshën dhe përmasat e trupit” të pacientes. Por, policia nuk e di se çfarë “shprehjeje fyese për dinjitetin” është përdorur me atë rast.

Ndaj kosovarit 25 vjeçar po zhvillohen hetime për shkaktim lëndimi të rrezikshëm trupor. Ai, edhe pasi që dy zjarrfikësit ishin të rrëzuar për tokë, kishte vazhduar t`i godiste me shqelma! Identiteti i dy të tjerëve, që mendohet se janë pjesëtarë të familjes, pra po ashtu kosovarë mbetet ende i paqartë.

Tronditja te zjarrfikësit vazhdon të jetë e madhe, për faktin se shërbimi i zjarrfikësve gëzon respekt të veçantë te popullata. “Deri tash nuk ka pasur kurrë ndonjë sulm të tillë, për ndryshim, për shembull, ndaj policisë”, ka thënë një zëdhënës policie. Sidoqoftë, njësia zjarrfikëse nuk e ka ndërmend që personelin e saj ta pajisë me jelekë antiplumb ose me sprej. /Albinfo.ch

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: http://gazetafjala.com/tre-kosovare-rrahin-rende-zjarrfikesit/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala