Si t’i bëni njerëzit të ju dëgjojnë?

Autori:Gazeta Fjala

komunikim

Të filloni një bisedë interesante mund të jetë e vështirë, por ta mbani dëgjuesin të interesuar në atë bisedë është një gjë edhe më e vështirë. Ju mund të keni frikë se do të lini përshtypje të keqe tek personat me të cilët jeni duke biseduar, e kjo mund t’ju shkaktojë stres dhe shqetësim.

Sidoqoftë, më poshtë i keni disa këshilla se si t’i mposhtni të gjitha këto frika dhe të jeni një folës i zoti:

Mos u brengosni për rezultatet

Nëse do të bëni një prezantim apo do t’i adresoheni një audience të madhe, mos u brengosni shumë për rezultatin. Është në rregull të dështoni ose të korrni sukses. Thjesht përpiquni ta bëni më të mirën.

Asnjëherë mos mendoni se audienca është duke ju gjykuar

A mendoni se njerëzit diskutojnë më shumë rreth asaj se si e keni bërë një prezantim? Jo, ata diskutojnë atë se çfarë keni thënë. Përmbajtja është shumë më e rëndësishme sesa stili. Përveç kësaj, audienca kërkon informacion dhe argëtim.

Është në rregull të bëni gabime

Edhe nëse bëni gabime të çfarëdollojshme gjatë prezantimit, mos ndaloni. Asnjëherë mos u sillni në atë mënyrë sikurse keni bërë diçka gabim. Çdo njeri bën gabime të tilla dhe nuk keni nevojë të brengoseni për këtë gjë.

Praktikoni

Praktikimi e bën një njeri të përsosur dhe është çelësi i suksesit për prezantim në publik apo për mësimin e çfarëdo aftësie. Pra, në mënyrë që ta mposhtni frikën e të folurit në publik, mënyra më efektive është praktika.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: http://gazetafjala.com/si-ti-beni-njerezit-te-ju-degjojne/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala