Si ndikon gjumi në produktivitetin tuaj

Autori:Gazeta Fjala

Tired man with cup of coffee yawning at workplace in office

Për të arritur sukses, gjumi është vital. Dhe nëse jeni studentë, të qëndruarit deri vonë për të mësuar për një test nuk do ju ndihmojë të merrni atë notë të mirë. Por, filloni shprehinë e orarit të rregullt të gjumit.

Një studim i fundit nga Sleep Health Institute në Spitalin Brigham and Women’s i publikuar në Scientific Reports zbuloi se studentët të cilët fjetën dhe u zgjuan në kohë të përputhshme çdo ditë performuan më mirë në mësim se sa studentët të cilët kishin orare të çrregullta të gjumit. Duke studiuar 61 studentë me orar të plotë në Universitetin Harvard të cilët mbajtën ditarë të gjumit për 30 ditë, studiuesit zbuluan marrëdhëniet në mes gjatësisë së gjumit, kategorizimin e gjumit gjatë ditës dhe performancën akademike gjatë një semestri.

Duke vlerësuar rregullsinë e gjumit të studentëve nga 0 në 100, studiuesit kategorizuan studentët në dy grupe: të rregullt dhe të çrregullt. Ata të rregulltit patën nota më të larta ndërsa të çrregulltit më të ulëta. Pa dyshim, oraret e paparashikueshme të gjumit ishin të dëmshme për notat e studentëve. Në fakt, çdo rënie 10 pikëshe kishte domethënien e rënies 0.10 në mesataren e notës.

Studimi zbuloi se ata të çrregulltit kishin një vonesë në lirimin e melatoninës, hormoni i cili tregon gjumin. Melatonina ndihmon rregullimin e ritmit të gjumit të një personi i cili vendos se kur një person fle dhe zgjohet. Për ata me orare të çrregullta, studiuesit zbuluan tri orë vonesë në lirimin e melatoninës, dhe në fund duke shtyer ritmin e tyre të gjumit.

‘’Ne zbuluam se ora e trupit u shtye pothuajse tri orë më vonë në studentët të cilët kishin orare të çrregullta, krahasuar me ata të cilët fjetën në të njëjtën kohë çdo natë’’, tha Dr. Charles Czeisler, drejtori i Sleep Health Institute në Spitalin Brigham and Women’s.

‘’Për studentët gjumi dhe zgjimi i të cilëve nuk ishte në përputhje, orët dhe provimet të cilat ishin caktuar për orën 9 në mëngjes, po ndodhnin në 6 të mëngjesit, sipas orës së tyre trupore, një kohë kur performanca e tyre është e dobët’’, shpjegoi Czeisler.

Dhe përderisa ne shpesh lidhim mungesën e gjumit me performancë dhe produktivitet të dobët, studimi zbuloi se notat u ndikuan nga përputhja e një personi kur fle dhe kur zgjohet.

‘’Në mënyrë ironike, ata nuk kursyen kohë sepse në fund ata fjetën njësoj sikur ata me orar të rregullt’’, përfundoi Czeisler.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: http://gazetafjala.com/si-ndikon-gjumi-ne-produktivitetin-tuaj/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala