Si mund t’ju qëndrojnë më gjatë lulet të freskëta? 6 truqe profesionale

Autori:Gazeta Fjala

lule

A e dini si të zgjasni jetëgjatësinë e luleve qe i keni të vendosura në vazo? Këtu po ju paraqesim disa triqe profesionale që mund t’ju ndihmojnë në lidhje me këtë.

Të gjithë i pëlqejmë lulet, apo jo? Përveç që e zbukurojnë çdo kënd dhe hapësirë të shtëpisë suaj, një buqetë me lule e rregulluar bukur, shpesh ju sjell edhe buzëqeshje në fytyrën tuaj.

Lëngje të gazuara

Në një vazo me lule, hidhni 60 ml lëng të gazuar (çfarëdo lloji). Sheqerin që e përmban lëngu i gazuar zgjat freskinë dhe jetëgjatësinë e luleve tuaja. Shënim: Nëse keni vazo të tejdukshme dhe nuk dëshironi që uji të duket me ngjyrë, atëherë mund të përdorni lëngje të gazuara si: Sprite, Schweppes Tonik apo 7up.

Llak për flokë

Ashtu sikur mban në formë modelimin tuaj të flokëve, ky mund të ndihmojë lulet tuaja të duken për një kohë më të gjatë të freskëta. Largohuni nga buqeta me lule rreth 30 centimetra dhe spërkatni me llak flokësh gjethet dhe petalet.

luleve-lekure

Uthull molle

Përzieni dy lugë uthull molle me dy lugë sheqer dhe masën e fituar hidheni në vazon me ujë, para se të vendosni lulet. Ndërroni ujin çdo dy ditë (duke ia shtuar edhe përzierjen e lartpërmendur), me qëllim që t’ju zgjasin lulet sa më gjatë të freskëta.

Lexoni edhe këtë:   Vetë për veten është reklama më e mirë: Viktoria Bekam

Vodka

Për t’i bërë lulet të duken të freskëta për një kohë sa më të gjatë, është e nevojshme që rritja dhe zhvillimi i bakterieve të mbahen në minimum. Në një vazo me ujë, shtoni disa pika vodka (alkooli e ngadalëson rritjen e bakterieve) si dhe një lugë çaji sheqer (për ta ushqyer lulen). Ujitni çdo dy ditë duke shtuar vodkën dhe sheqerin.

pastrimi-i-luleve-ne-shtepi

Aspirina

Trëndafilat dhe llojet tjera të luleve, qëndrojnë të freskëta më gjatë nëse praktikoni këtë metodë: në një vazo me ujë, shtoni një aspirinë të grimcuar para se t’i vendosni lulet në të. Ndërroni ujin çdo dy ditë.

Sheqer

Tretni tre lugë sheqer dhe dy lugë uthull alkooli në një liter ujë të ngrohtë. Kur të mbushni vazon, sigurohuni që lulet të mbulohen me ujë 7 – 10 centimetra. Do të mahniteni se sa gjatë do të qëndrojnë të freskëta lulet tuaja.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: http://gazetafjala.com/si-mund-tju-qendrojne-me-gjate-lulet-te-fresketa-6-truqe-profesionale/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala