SHBA-ja dhe Rusia me Twitter përplasen për Kosovën

Autori:Gazeta Fjala

auto_us1512631302

Zyra e partisë demokrate për çështje të jashtme dhe ambasada ruse në Kanada janë përplasur rreth Kosovës, raporton Koha.net.

Ambasada e Rusisë në Kanada i është përgjigjur vizitës së Presidentit të Kosovës, Hashim Thaçi në Kanada dhe komenteve të tij që ka bërë nëpër mediat kanadeze lidhur me ndikimin rus në Ballkan.

Kjo ambasadë në Twitter ka shkruar se Kosova është pjesë e Serbisë, por i të njëjtit mendim nuk ka qenë zyra demokrate për çështje të jashtme, e cila ia ka përkujtuar kësaj ambasade se Kosova është shtet i pavarur.

“Pas vizitës së Thaçit në Ottawa dhe komenteve të tij kundër ruse nëpër mediat kanadeze, do të donim të shfrytëzonim këtë mundësi që t’ua përkujtojmë të gjithëve se Kosova është Serbi”, ka shkruar ambasada e Rusisë në Twitter.

Nuk ka vonuar shumë dhe këtij postimi i është përgjigjur zyra për çështje të jashtme.

“Do të donim të shfrytëzonim këtë mundësi që t’ua përkujtonim se Kosova është e pavarur dhe Krimea është Ukrainë”, ka qenë përgjigja e zyrës për çështje të jashtme në “cicërimën” e ambasadës ruse.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: http://gazetafjala.com/shba-ja-dhe-rusia-me-twitter-perplasen-per-kosoven/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala