Selimi: Specialja, gabim i madh i atyre që e votuan

Autori:Gazeta Fjala

rs-600x360

Deputeti i Kuvendit të Kosovës nga radhët e Lëvizjes Vetëvendosje, Rexhep Selimi, ka reaguar pas ftesës që Gjykata Speciale i bëri Ramush Haradinajt, Bislim Zyrapit dhe Jakup Krasniqit.

Ish-luftëtari i Ushtrisë Çlirimtare të Kosovës ka thënë se themelimi i Gjykatës Speciale kundër UÇK-së ishte një gabim i madh i Qeverisë dhe i Kuvendit të Kosovës në Gusht të vitit 2015.

Ai ka shtuar se me këtë vendim po e pësojnë luftëtarët e Lirisë së Kosovës.

Shkrimi i plotë i Selimit:

Themelimi i Gjykatës Speciale kundër UÇK-së ishte një gabim i madh i Qeverisë dhe i Kuvendit të Kosovës në Gusht të vitit 2015.

Nga ky vendim i padrejtë do të pesojnë luftëtarët e Lirisë së Kosovës por mbi të gjitha do të pesojë Kosova dhe imazhi i shqiptarëve në botë.

Në këtë gjykatë, për të deshmuar si të dyshuar u ftuan shume luftëtarë, ushtarë e komandantë të nivelit të lartë në hierarkinë e UÇK-së.
Sëfundmi, rreshtit të shumë të ftuarve për t’u intervistuar iu shtuan edhe tre udheheqës të UÇK-se si: Komandanti i Zonës Opeative të Dukagjinit – Kryeministri në dorëheqje Ramush Haradinaj, Shefi i Shtabit të Përgjithshëm Bislim Zyrapi si dhe Zëdhënësi dhe ZV/Komandanti i SHP te UÇK-së Jakup Krasniqi.

Ashtu sikur për secilin luftëtar të UÇK-së, pavarësisht nivelit dhe detyrave në luftë, thirrja si i dyshuar për krime lufte është padrejtësi paraprakisht.
Ne, që e kundershtuam me argumente të pamohueshme themelimin e kësaj gjykate atëherë, patem paralajmëruar për efektet e saj dhe për këtë na vjen keq edhe tash që nuk na demantoi koha.
Por nuk mund të mos i bejmë përgjegjës edhe njëherë ata që e sollen në Kuvend dhe sidomos ata deputetë ish luftetarë të UÇK-së që e votuan këtë Gkykatë, aq më tepër, kur tash disa nga ata i shohim t’ju “vije keq” për të ftuarit e kësaj gjykate si te dyshuar.

Ne, që ishim kundër kësaj gjykate me 2015-ten e kemi të njëjtin qëndrim edhe tani.
Prandaj, në atë gjykatë nuk duam ta shohim asnjë luftetar të Lirisë.
Ky nuk është qëndrim i yni kundër drejtësisë, por pikërisht kundër padrejtësisë.

Drejtësia ka mjaftë punë të tjera për të zgjidhur në Kosovë!

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: http://gazetafjala.com/selimi-specialja-gabim-i-madh-i-atyre-qe-e-votuan/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala