Ronaldo beson ende: Kualifikohemi në Champions

Autori:Gazeta Fjala

ronaldo-852x460

Humbja 2-0 në Madrid përballë Atleticos, e ka nxjerrë Juventusin me një këmbë jashtë Ligës së Kampionëve, por bardhezinjtë duket se besojnë te kualifikimi në ndeshjen e kthimit, në “Allianz Stadium”.

Për të karikuar tifozërinë dhe për të rritur entuziazmin, 48 orë para kësaj sfide ka folur njeriu që erdhi te Juventusi për ta ndihmuar të fitojë Championsin, ylli i skuadrës, Cristiano Ronaldo.

Portugezi ka dhënë një intervistë për mediat e klubit bardhezi, ku ka ftuar tifozët të krijojnë një atmosferë magjike, pasi në kampin e Juventusit të gjithë besojnë te përmbysja e madhe.

“Bëjeni stadiumin fantastik dhe ne do të bëjmë punën tonë, për të shënuar dhe fituar ndeshjen. Besojmë se do të përjetojmë një mbrëmje të madhe, duke u kualifikuar për në çerekfinale”, tha portugezi, duke i dërguar një mesazh të qartë tifozërisë bardhezi.

Megjithatë Ronaldo, i cili është përballur me dhjetëra herë me Atleticon e Madridit, gjatë kohës që ishte pjesë e Realit, e njeh mirë kundërshtarin e të martës në mbrëmje, ndaj u kujton shokëve të skuadrës, se nuk do të jetë aspak e lehtë.

“Atletico është një skuadër e organizuar mjaft mirë, që luan me kujdes mbrapa dhe të pret, për të goditur në kundërsulm. Duhet të bëjmë kujdes dhe të gjejmë kohën e duhur për t’i goditur, por kam besim se do t’ia dalim të përjetojmë një natë speciale”, theksoi Ronaldo.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: http://gazetafjala.com/ronaldo-beson-ende-kualifikohemi-ne-champions/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala