Richard Moore nga Serbia, jep një porosi për Kosovën

Autori:Gazeta Fjala

mur-dacic-620x358

Drejtori i Përgjithshëm për Çështje Politike në Ministrinë e Jashtme të Mbretërisë së Bashkuar, Richard Moore, edhe nga Serbia i ka bërë thirrje Kosovës që ta heq taksën.

Pas vizitës në Kosovë, Drejtori i Përgjithshëm për Çështje Politike në Ministrinë e Jashtme të Mbretërisë së Bashkuar, Richard Moore, sot është duke qëndruar në Serbi.

Moore gjatë ditës së sotme është takuar me presidentin serb Aleksandar Vuçiq dhe ministrin e Punëve të Jashtme të Serbisë, Ivica Daçiq.

Siç shkruajnë mediet serbe, Richard Moore gjatë takimit me Ivica Daçiqin përsëri i ka bërë thirrje Kosovës që ta heq taksën dhe të vazhdojë dialogun me Serbinë.

Në anën tjetër Daçiq ka përsëritur gatishmërinë e Serbisë për të vazhduar dialogun me Kosovën dhe për të arritur një kompromis si dhe një zgjidhje të qëndrueshme pas heqjes së taksës që kanë vendosur autoritetet kosovare.

Ndryshe drejtori i Përgjithshëm për Çështje Politike në Ministrinë e Jashtme të Mbretërisë së Bashkuar, Richard Moore, gjatë qëndrimit të tij në Kosovë pas takimeve që ka pasur me liderët shtetëror ka kërkuar që të hiqet taksa dhe të vazhdojë dialogu me Serbinë.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: http://gazetafjala.com/richard-moore-nga-serbia-jep-nje-porosi-per-kosoven/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala