Policia e SHBA-së vret 13-vjeçarin me ngjyrë

Autori:Gazeta Fjala

sssss-933x445_1474004592-2605882

Një 13-vjeçar ka humbur jetën pasi një polic në OHIO të SHBA-së, e qëlloi atë për vdekje, gjatë një aksioni për ndalimin e tre grabitësve të një marketi.

Pas një denonocimi për një vjedhje me armë, një grup efektivësh të policisë së Columbusit janë vënë në ndjekje të tre personave të dyshuar, ndërsa 13-vjeçari dyshohet të jetë njëri prej grabitësve. Policia tha se djali kishte nxjerrë një armë nga brezi e cila më vonë rezultoi të ishte një pistoletë me ajër të kompresuar.

Sipas policisë së Columbusit, arma dukej identike me ato që përdoren nga efektivët.

Autoritetet bënë me dije se 13-vjeçari u dërgua menjëherë në spital, por nuk mundi të mbijetojë si pasojë e plagëve të marra.  Sakaq u bë e ditur se efektivi që vrau 13-vjeçarin është një polic i bardhë, prej 9 vitesh në detyrë.

Edhe pse ende nuk dihet nëse ngjarja është regjistruar në ndonjë video, oficeri i policisë është pezulluar nga detyra./klantv/

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: http://gazetafjala.com/policia-e-shba-se-vret-13-vjecarin-me-ngjyre/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala