Partitë serbe akuzojnë njëra-tjetrën për vjedhje votash

Autori:Gazeta Fjala

auto_srpska-lista-08-1570995484-852x460

Lista Serbe ka akuzuar Partinë e Serbëve të Kosovës që udhëhiqet nga Aleksandar Jabllanoviq.

Këta të fundit i janë kundërpërgjigjur duke thënë se metodat kriminale për vjedhje të votave dhe shantazhim të njerëzve janë të panjohura për Partinë Serbe të Kosovës.

Tutje, ata kanë thënë se Lista Serbe ka aleat në Prishtinë dhe se kanë dëshmi që kjo listë ka vjedhur vota me 6 tetor.

“Partia Serbe dënon me forcë dhe kundërshton deklaratat e ardhura nga një parti, zyrtarët e së cilës janë në garanci të Policisë së Kosovës dhe dyshohet se kanë kryer krime të rënda. Kujtojmë zotërinë e Listës Serbe se metodat e huaja dhe të panjohura kriminale për vjedhjen e votave, frikësimin dhe shantazhimin e njerëzve, si dhe djegien e pronave të disidentëve politikë janë të panjohura për ne. Ne nuk e kemi asnjë alet në Prishtinë si ju zotërinj nga Lista Serbe, por ne kemi dëshmi serioze për vjedhjen e votave në zgjedhjet e 6 tetorit dhe ne i kemi siguruar ato në institucionet përkatëse dhe misionet e vëzhgimit të huaj dhe ne jemi mjaft ë qartë për nervozizmin dhe frikën që keni tani, pasi ju e vetë e dini se çfarë lloj vjedhje votash keni kryer dhe sa pamëshirshëm keni shkelur vullnetin e popullit serb në Kosovë.”, thuhet në komunikatën e Partisë Serbe të Kosovës./rtk

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: http://gazetafjala.com/partite-serbe-akuzojne-njera-tjetren-per-vjedhje-votash/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala