Pacolli ia kthen në serbisht përgjigjet gazetës serbe: Kosova është e pavarur

Autori:Gazeta Fjala

auto_pacolli-636h1500103204-650x358

Zgjidhje e drejtë e marrëdhënieve ndërmjet Kosovës e Serbisë është respektimi i ndërsjellë, ndërtimi i mundësive për bashkëpunim reciprok dhe pranim i realitetit se ekzistojnë dy vende që duhet ta ndërtojnë të ardhmen për qytetarët e vet, ka deklaruar për gazetën “Blic” të Beogradit ministri i Punëve të Jashtme të Kosovës Behgjet Pacolli.

“Mendoj se Serbia mund të luajë rol konstruktiv dhe të bëhet faktor stabiliteti në rajon”, ka thënë Pacolli, i cili në pyetjet e “Blicit” dërguar në gjuhën angleze, u është përgjigjur serbisht dhe në cirilikë, përcjell FoNet.

Në këtë rajon është i nevojshëm stabiliteti dhe Serbia duhet ta luajë rolin e vet mu sikur të tjerët, ka thënë ai.

Serbët janë njerëz të mirë, porse ata që kanë bërë krime duhet të përgjigjen para gjyqit, mendon Pacolli, transmeton Koha.net.

Ramush Haradinaj dy herë ka qenë në gjyq dhe nuk është shpallur fajtor. Rasti në Francë ka qenë absurd, ka shtuar ai.

Pacolli hapjen e dialogut të brendshëm, të cilin e ka iniciuar Aleksandar Vuçiq e mendon hap të guximshëm e të drejtë.

“Mendoj se Serbia nuk guxon të mbetet peng i të kaluarës, ajo duhet të përballet me realitetin fakteve e të ligjeve. Sot Kosova është shtet ndërkombëtarisht i njohur nga shumica e vendeve demokratike të botës”, ka thënë Pacolli.

 

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: http://gazetafjala.com/pacolli-ia-kthen-ne-serbisht-pergjigjet-gazetes-serbe-kosova-eshte-e-pavarur/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala