Në cilat shtete mund të udhëtojnë kosovarët pas liberalizimit të vizave

Autori:Gazeta Fjala

liberalizimi1-780x439

Komisioni Evropian ka publikuar sot një raport lidhur me rekomandimin pozitiv që i është dhënë Kosovës për heqjen e vizave, në të cilin është specifikuar se kosovarët mund të duhëtojnë në të gjitha shtetet e Bashkimit Evropian, dhe po ashtu në katër shtete të tjera që janë pjesë e Zonës Schengen.

Katër shtetet që nuk janë anëtare të Bashkimit Evropian: Zvicra, Islanda, Lihtenshtajni dhe Norvegjia janë pjesë e Zonës Schengen dhe kosovarët mund të udhëtojnë në këto shtete me pasaporta biometrike, në rast se liberalizohen vizat.
“Pasi që propozimi legjislativ të miratohet nga Parlamenti dhe Këshilli i Evropës, populli i Kosovës me pasaporta biometrike mund të lëvizë pa viza për qëndrime më të shkurtra se 90 ditë në të gjitha shtetet anëtare të BE përveç Irlandës dhe Mbretërisë së Bashkuar, si dhe mund të lëvizë pa viza në katër vendet e lidhura me Zonën Shengen (Islandën, Lihtenshtajnin, Norvegjin[ dhe Zvicrën)”, thuhet në njoftimin për media të Komisionit Evropian.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: http://gazetafjala.com/ne-cilat-shtete-mund-te-udhetojne-kosovaret-pas-liberalizimit-te-vizave/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala