Mjeku shqiptar jep lajmin e mirë: Ky ilaç ka dhënë rezultat për koronavirusin

Autori:Gazeta Fjala

20200315184225_art1

Mjeku infeksionist Pëllumb Pipero ka ndarë përmes emisionit “Vizioni i Pasdites” një lajm të mirë sa i përket situatës së koronavirus dhe të prekurve në Shqipëri.

Duke iu referuar medikamentit të Klorokinës, Pipero u shpreh se prej ditësh tashmë janë duke e përdorur atë te pacientët me koronavirus dhe se ka dhënë rezultat.

“Medikamentet bazë, që dhe kolegët në Kinë dhe Itali kanë përdorur, antiviralë, antibiotik oksigjeno-terapi, i kemi pasur dhe nuk na kanë munguar. Natyrisht medikamenti që ka bërë bujë, dhe i konfirmuar nga FDA klorokina ka ardhur në Shqipëri dhe kemi ditë që e përdorim. Ka rezultate optimiste dhe pse jemi në ditët e para të trajtimit me të“.

Dr. Pipero u shpreh gjithashtu se dy javët në vazhdim janë vendimtare për të përcaktuar vazhdueshmërinë e gjendjes emergjente në Shqipëri.

Sipas tij, sëmundja do të arrijë maksimumin e saj, e më pas do të bjerë gradualisht.

“Si çdo epidemi dhe kjo epidemi ka logjikën e saj. Nuk është e ngjashme me epidemitë që kemi kaluar. Kjo javë besoj fort se do të arrijë maksimumin e mundshëm, sipas meje… Askush nuk e parashikon saktë… Java tjetër do të sjellë një gjendje të qëndrueshme. Do të bjerë gradualisht, do të na japë shumë mundësi për të bërë parashikime të sakta, qeverisë më shumë mundësi të rishikojë masat… Kjo javë dhe java tjetër do të jenë vendimtare.”

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: http://gazetafjala.com/mjeku-shqiptar-jep-lajmin-e-mire-ky-ilac-ka-dhene-rezultat-per-koronavirusin/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala