Ministri i Arsimit takon rektorin e Universitetit të Prishtinës

Autori:Gazeta Fjala

ministri_1505379260-9933382

Ministri i Arsimit, Shkencës dhe Teknologjisë, Shyqeri Bytyqi ka pritur sot në takim rektorin e Universitetit të Prishtinës “Hasan Prishtina”, Marjan Dema me të cilin ka biseduar për gjendjen në universitetin më të madh publik në vend.

Me këtë rast, rektori Demaj, pasi që i ka uruar detyrën Ministrit, ka folur për të arriturat dhe vështirësitë që hasen gjatë punës në Universitet, ndërsa është shprehur i gatshëm për bashkëpunim, në mënyrë që reformat të ecin përpara.

Ndërsa, ministri Bytyqi theksoi se me të marrë detyrën është shprehur i gatshëm për të bashkëpunuar ngushtë me të gjithë, e sidomos me Universitetin “Hasan Prishtina, pasi që ky universitet e bartë barrën kryesore të arsimit të lartë në vend.

Ministri Bytyqi theksoi se Universiteti i Prishtinës ka kapacitete të mëdha, me të cilat mund të ndihmojë edhe Ministrinë e Arsimit, por edhe arsimin në përgjithësi, prandaj kërkoi nga rektori Demaj që në bashkëpunim me Ministrinë të përdorin në mënyrën më të mirë potecncialin akademik të Universitetit.

“Kjo rini ka nevojë për arsim kualitativ. Ne e kemi obligim që të ofrojmë këtë dhe kush më mirë se Universiteti mund t’i prijë debatit për zhvillimin e arsimit”, theksoi ministri Bytyqi.

 

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: http://gazetafjala.com/ministri-i-arsimit-takon-rektorin-e-universitetit-te-prishtines/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala