Lekaj: ‘Bosi’ i Kosovës është Vuçiq

Autori:Gazeta Fjala

pal lekaj

Nënkryetari i Aleancës për Ardhmërinë e Kosovës, njëherësh shef i grupit parlamentar të kësaj partie, Pal Lekaj, ka lëshuar një mori akuzash në drejtim të Qeverisë se Kosovës dhe kryeministrit Isa Mustafa.

I pari i deputetëve të AAK’së e ka quajtur qyqar Mustafën duke shtuar se për sa kohë që kjo Qeveri është në detyrë, atëherë “bosi”, i Kosovës, është Aleksandar Vuçiq.

“Më tërheqjen e projektligjit për demarkacionit kjo Qeveri ka koketuar me Vuçiqin drejtpërdrejt dhe këtë e kanë bërë për të shpëtuar mandatin e tyre  në dem të Kosovës. Derisa ekziston kjo Qeveri “bosi”, i Kosovës është Vuçiqi”, ka thënë Lekaj në Tribuna Channel

Nënkryetari i AAK’së e ka vlerësuar Qeverinë Mustafa si të keqën më të madhe të këtij vendi.

Sa i përket organizimi të një tryezë me liderë të partive, Lekaj ka thënë se nuk ka kurrfarë lëvizje në këtë drejtim, dhe kjo sipas tij, po bëhet më qëllim për të tërhequr vëmendje.

“Që një vit Qeveria nuk po ka guxim ta procedoj në Kuvend, sepse nuk i kanë votat. Edhe kur e proceduan e tërhoqën në mungesë të votave”, ka shtuar Lekaj.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: http://gazetafjala.com/lekaj-bosi-i-kosoves-eshte-vuciq/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala