Ky është reagimi i PSD-së, pasi VV e LDK e dërguan në Kushtetuese Ligjin për Dialogun

Autori:Gazeta Fjala

PSD-780x439 (1)

Dërgimin e Ligjit për Delegacionin Shtetëror në Gjykatën Kushtetuese, nga LDK dhe Lëvizja Vetëvendosje, po e mirëpret Partia Socialdemokrate.

Zëdhënësja e PSD-së, Natyra Kuçi, ka thënë se iniciativa e LDK-së dhe VV-së, “ta qartësojë përputhshmërinë apo jo të Ligjit me Kushtetutën.Rrjedhimisht edhe legjitimitetin e tij”.

Mirëpo, përkundër kësaj ajo ka thënë se paradoksale nga ana e tyre (LDK dhe VV), se si “në njërën anë kritikohet Ligji duke pretenduar se ai ndërhyn në kompetencat kushtetuese të drejtuesve të institucioneve në marrëveshjet ndërkombëtare dhe në anën tjetër kërkohet të ndalen të njëjtit ta firmosin marrëveshjen (lexo : Presidenti në marrëveshjen me Serbinë)”.

Kuçi ka shtuar se ata kanë problem me Delegacionin Shtetëror, sepse sipas saj e ndalon presidentin në marrëveshjen me Serbinë.

“Partia Socialdemokrate e mirëpret dërgimin e Ligjit për Delegacionin Shtetëror në Gjykatën Kushtetuese. Kjo do ta qartësojë përputhshmërinë apo jo të Ligjit me Kushtetutën. Rrjedhimisht edhe legjitimitetin e tij. Paradoksalja : në njërën anë kritikohet Ligji duke pretenduar se ai ndërhyn në kompetencat kushtetuese të drejtuesve të institucioneve në marrëveshjet ndërkombëtare dhe në anën tjetër kërkohet të ndalen të njëjtit ta firmosin marrëveshjen (lexo : Presidenti në marrëveshjen me Serbinë).Logjikja : Delegacioni Shtetëror është problemi, sepse po e pengon Presidentin në marrëveshjen me Serbinë”, ka shkruar zëdhënësja e PSD-së, Natyra Kuçi.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: http://gazetafjala.com/ky-eshte-reagimi-i-psd-se-pasi-vv-e-ldk-e-derguan-ne-kushtetuese-ligjin-per-dialogun/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala