Kosovarët i palojnë 2.6 miliardë euro në banka

Autori:Gazeta Fjala

milion euro money

Banka Qendrore e Republikës së Kosovës (BQK) ka njoftuar se depozitat në sektorin bankar të Kosovës vazhdojnë të shënojnë rritje, megjithëse me një ritëm më të ngadalësuar krahasuar me periudhat paraprake.

Sipas raportit të BQK-së, në qershor 2016, vlera e të gjitha depozitave në sektorin bankar arriti në 2.69 miliardë euro, që, siç transmeton rtk, paraqet rritje vjetore prej 4.6 për qind.

“Ritmi i rritjes së gjithsej depozitave diktohet kryesisht nga depozitat e ekonomive familjare, kategori kjo që deri në qershor 2016 regjistroi një normë vjetore të rritjes prej 5.2 për qind (6.0 për qind në periudhën e njëjtë të vitit paraprak). Depozitat e ekonomive familjare vazhdojnë të dominojnë strukturën e gjithsej depozitave, pasuar nga depozitat e ndërmarrjeve”, thuhet në raportin e BQK-së, për Vlerësimin tremujor të ekonomisë.

Sipas BQK-së në të njëjtën periudhë depozitat e ndërmarrjeve, që kanë një pjesëmarrje prej 20.8 për qind në depozitat e përgjithshme të sektorit, gjithashtu shënuan rritje vjetore më të ngadalësuar prej 3.7 për qind.

“Në kuadër të strukturës së depozitave sipas afatit të maturimit, ka vazhduar rritja e pjesëmarrjes së depozitave të transferueshme, gjë që reflekton nivelin relativisht të ulët të normave të interesit në depozita. Në qershor 2016, depozitat e transferueshme rritën pjesëmarrjen në 55.9 për qind të gjithsej depozitave të sektorit bankar të Kosovës”, , është thënë në raportin e BQK-së, për Vlerësimin tremujor të ekonomisë.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: http://gazetafjala.com/kosovaret-i-palojne-2-6-miliarde-euro-ne-banka/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala