“Kosova e Re” më shumë sherr se hajr

Autori:Zekirja Shabani

kosovaere_0709110953_1

Ndërtimi i Termocentralit “Kosova e Re” do të dëmtojë shëndetin dhe mirëqenien ekonomike të kosovarëve dhe rreth 7.000 persona do të largohen nga shtëpitë e tyre, vlerëson raporti “E vërteta e procesit të zhvendosjes së detyruar në Kosovë”.

Raporti është përgatitur nga Theodore Downing, president i Rrjetit Ndërkombëtar për Zhvendosje dhe Risistemim në bashkëpunim me Konsorciumin kosovar të shoqërisë civile për zhvillim të qëndrueshëm – KOSID, për të cilin u diskutua të martën në Prishtinë.

Raporti tregon se menaxhmenti i Bankës Botërore ka çorientuar agjencitë dhe ligjvënësit e Kosovës në përgatitjen e një politikë ligjore që nuk është në përputhje me skemat institucionale për të udhëhequr zhvendosjen e parashikuar.

Në raport rekomandohet që qeveria të zotohet që do të vendos filtra për të ndaluar ndotjen e ajrit nga prodhimi i energjisë në mënyrë që të mbrohen njerëzit nga ndotja e mundshme.

Më tej në këtë raport janë evidencuar edhe efektet e zhvendosjes jovullnertare, që sipas profesori Downing, janë varfëria, humbja e tokës dhe resurseve, çrregullime social dhe ekonomik, pengimi i aktiviteteve dhe shkollimit.

Gjatë diskutimeve u tha se çmimi i energjisë elektrike gjatë procesit të ndërtimit të termocentralit “Kosova e Re” dhe pas ndërtimit do të jetë dyfish apo edhe më i lartë se që është tani.

Ashtu si është llogaritur edhe më herët nga KOSID-i, del që çmimi i energjisë do jetë 80 euro për megavat, nga 32 euro që është tani.

“Rikujtojmë se Banka Botërore po ndihmon Qeverinë e Kosovës në përgatitjen e garancisë së pjesshme të rrezikut në shumën prej 5 milionë dollarësh për ndërtimin e termocentralit të ri. Ndërkohë bashkangjitur edhe një shumë prej 2 milionë dollarësh për ndërtimin e infrastrukturës mbështetëse dhe për zëvendësimin e termocentraleve të vjetruara”.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: http://gazetafjala.com/kosova-e-re-me-shume-sherr-se-hajr/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala