Koordinatori Hoti takohet me kryetarin e Kamenicës, ​Qëndron Kastrati

Autori:Gazeta Fjala

hotiii-2

Koordinatori Nacional për Kulturë, Rini dhe Sport në Qeverinë e Republikës së Kosovës, sot u prit në takim me kryetarin e komunës së Kamenicës, Qëndron Kastrati, me të cilin biseduan rreth bashkërendimit të agjendës për Programin Nacional për Rininë.

“Investimi te nxënësit tanë është investimi më i madh që mund të bëjë shteti ynë. Aktivitetet jashtëkurrikulare janë e drejtë e secilit nxënës. Masoviteti i garave të kreativitetit dhe diturisë e ka karakterizuar shpirtin garues. 44,723 nxënës janë shpallur fitues për këto dy gara e në mesin e tyre rreth 1000 fitues kanë qenë vetëm nga komuna e Kamenicës. Unë jam shumë i kënaqur me organizimin që keni bërë sepse keni treguar se me të vërtetë jeni duke punuar për të mirën e nxënësve. Pres mbështetjen tuaj edhe për Garën Nacionale në Sport që do të fillojë nga ky muaj dhe nuk dyshoj se edhe në këtë garë nxënësit tuaj do të arrijnë rezultate të jashtëzakonshme”, tha Koordinatori Hoti.

Kurse, Kastrati falënderoi Koordinatorin për mundësinë unike që u’a ka ofruar secilit nxënës. “Ju përgëzoj për guximin që keni pasur për të realizuar një projekt kaq madhor. Për mua është shumë e rëndësishme që nxënësit të socializohen ndërmjet vete, e sidomos nëse e bëjnë këtë përmes garës. Unë do të vazhdoj ta mbështes programin tuaj me mundësitë tona buxhetore sepse kemi nevojë ta promovojmë frymën garuese, e prej anës sime vullneti është shumë i lartë”, tha Kastrati.

Të gjithë nxënësit e Republikës së Kosovës nga klasa I-rë deri në të XII-tën do të kenë mundësi të marrin pjesë edhe një herë në garat që Koordinatori Nacional për Kulturë Rini dhe Sport ua ka mundësuar që te jenë pjesë e tyre.

Pos garës Nacionale në Kreativitet Kulturor dhe Mendim Kritik dhe Garës Nacionale të Diturisë, nxënësit nga ky vit do të kenë hapësirën që t’i shprehin talentet e tyre në katër sportet që janë paraparë përmes Programit Nacional për Rininë. Sportet në të cilat nxënësit do të marrinë pjesë janë: futsalli, volejbolli, atletika dhe shahu.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: http://gazetafjala.com/koordinatori-hoti-takohet-me-kryetarin-e-kamenices-%e2%80%8bqendron-kastrati/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala