Holanda dhe Gjermania fitueset e mëdha të Topit të Artë

Autori:Gazeta Fjala

cr_1512575124-2565919

Këtë të enjte do të zhvillohet ceremonia e “Topit të Artë”, trofe të cilin pritet ta fitojë Cristiano Roandlo për herë të pestë në karrierë

Ylli i Realit të Madridit do të çojë në 5 numrin e këtyre trofeve, për t’u barazuar me Lionel Messin, ndërkohë që çon në 7, trofetë e fituar nga lojtarët portugezë në historinë e futbollit.

Por cilat janë përfaqësueset me triumfet më të shumta përsa i përket këtij trofeu individual, që nga viti 1956 e deri tani?

Në krye qëndron Holanda, edhe pse kjo përfaqësuese në vitet e fundit ka prekur pikën më të ulët në botën e futbollit. Në total janë 7 triumfe holandeze, me Cruyff që e ka fituar 3 herë, po aq sa edhe Marco Van Basten, ndërkohë që ka mundur ta fitojë një herë “Topin e Artë” edhe Ruud Gullit.

Po kështu, 7 “Topa të Artë” ka edhe Gjermania, me Beckenbauer dhe Rummenigge dy herë, ndërsa Muller, Matthaus dhe Sammer nga një herë.

Këtyre dy përfaqësueseve u shtohet Portugalia, që për momentin është me 6 “Topa të Artë”, 4 nga Ronaldo, një nga Eusebio dhe një Figo, ashtu sikurse edhe Franca.

Pas tyre vijnë Brazili e Argjentina, me 5 “Topa të Artë”. Në rastin e Argjentinës nuk ka shpërndarje të trofeut, pasi ato i ka fituar një person i vetëm: Lionel Messi. Ndërsa te Brazili, fenomeni Ronaldo e ka fituar dy herë, me Rivaldon, Ronaldinhon e Kakà nga një herë.

Pesë “Topa të Artë” kanë edhe Italia me Anglinë.

 

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: http://gazetafjala.com/holanda-dhe-gjermania-fitueset-e-medha-te-topit-te-arte/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala