Harta e kërcënimit: Shqiptarët, të rrezikuar nga terrorizmi (Video)

Autori:Zekirja Shabani

muslim militants

Pas sulmeve të Brukselit, Ministria e Jashtme britanike ka skicuar një hartë, nëpërmjet të cilës ngjyrat flasin për rrezikun e kërcënimit terrorist në botë.

Shqipëria është në grupin e vendeve me nivelin ngjyrë portokalli, çka flet për një rrezik të fshehur, por jo potencial. 4 është niveli më i lartë i kërcënimit, ndërkohë që Shqipëria mban indeksin 2.

Sipas hartës, Shqipëria dhe Serbia janë më pak të ekspozuara në rajon ndaj sulmeve terroriste. Kosova, Greqia, Maqedonia dhe Bosnja kanë ngjyrën e kuqë, ose ndryshe nivelin 3 të kërcënimit nga grupet militante.

 Ndërsa, nuanca më e errët e ngjyrës së kuqe paraqet vendet me kërcënimin më të lartë terrorist në botë. Në hartë, kjo ngjyrë dominon tek Franca, Gjermania, Spanja, Turqia, Rusia, Britania e Madhe dhe Belgjika. Kjo shpjegon edhe sulmet e fundit të Brukselit që morën jetën e 31 personave.

Ministria e Jashtme britanike e konsideron rrezikun në këto vende si një kërcënim serioz dhe të pashmangshëm, ku shtetasve u sugjerohet të jenë vigjilent dhe të qëndr ojnë larg vendeve të mbipopulluara, madje rekomandohet edhe shmangia e transportit publik për disa kohë.

Ndërsa përtej oqeanit, kërcënimi për Amerikën dhe Kanadanë ka indeksin 3, një shkallë më poshtë se shtetet kryesore të Europës dhe ato të Lindjes së Mesme. /Top Channel/

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: http://gazetafjala.com/harta-e-kercenimit-shqiptaret-te-rrezikuar-nga-terrorizmi-video/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala