Ekskluzive: Pjesëtari i UÇK-së rrëfen çfarë ndodhi në Kumanovë

Autori:Gazeta Fjala

hqdefault

Një pjesëtarë i Ushtrisë Çlirimtare Kombëtare ka rrëfyer atë që ndodhi mëngjesin e së shtunës n Lagjen e Trimave në qytetin e Kumanovës.

“Në mesin e djemve që ishin aty isha edhe unë”, rrëfen një pjesëtarë i Ushtrisë Çlirimtare Kombëtare për Gazetën Fjala.

“Ka qene diçka e pa planifikuar. Aty ishim vetëm 10 veta. Ndërsa rreth banimit ton ishin edhe 64 tjerë. Ishim në kurth.  Por ishte fati qe disa prej personave nga ne ishim zgjuar”, thotë pjesëtari i UÇK, që deklarohet se mban edhe pozitë të lartë në strukturat udhëheqëse të UÇK.

Ai bënë me dije për Gazetën Fjala se në sulmin e palës maqedonase janë të plagosur vetëm 2 pjesëtarë të UÇK ndërsa nga pala maqedonase së paku 5 janë të vrarë.

Ky pjesëtarë i UÇK bënë me dije se në këtë vend pjesëtarët e Ushtrisë Çlirimtare Kombëtare kanë filluar të grumbullohen dy ditë më parë por se dikush e ka njoftuar policinë maqedonase pasi që ishte planifikuar që një aksion i pjest të UÇK të bëhet në javen e ardhshme mbi policinë dhe ushtrinë maqedonase.

“Këtu kemi filluar të afrohemi qe dy dit. Por dikush i ka njoftuar policinë pasi ne kemi planifikuar që aksionin ta bënim me datën 12”, bënë të ditur për Gazetën Fjala, një pjesëtarë i UÇK, me pozitë në strukturat udhëheqëse

Pjesëtari i UÇK bënë me dije se të gjithë shokët e tij janë tërhequr nga lagjja e sulmuar qysh në mesditë.

“Ne jemi tërhequr nga vendi ku ishim në ora 11 kur kanë filluar maqedonasit ti sulmojnë civilët”.

Ai bënë me dije se pas ndarjes në dy grupe kanë arritur të dalin nga rrethimi.

“Njëri grup që katër orë kemi arritur në shtab ndërsa grupi tjetër ku ishte edhe Fadil Fejzullahu ende nuk ka mbërritur”, tregon ai për Gazetën Fjala.

Ky pjesëtar thotë se Fadil Fejzullahu, që u raportua se është vrarë është gjallë.

“Deri në ora 11 Fadili ka qenë gjallë, unë jam përshëndet me të”.

 

11212427_10206541738651076_1518495330_n 11210089_10206541738771079_1106885475_n

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: http://gazetafjala.com/ekskluzive-pjesetari-i-uck-se-rrefen-cfare-ndodhi-ne-kumanove/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala