Dogana mbush arkën e shtetit me 746 milionë euro

Autori:Gazeta Fjala

dogana

Dogana e Kosovës këtë vit ka rritë të hyrat për 14% më shumë sesa në vitin 2015.

Deri dje Dogana ka arkëtuar 746 milionë euro krahasuar me vitin e kaluar që ishin 658 milionë.

“Gjithashtu edhe kundrejt projeksioneve buxhetore për viti 2016 (dogana për këtë vit duhet të mbledh 1 miliard e 40 milion euro) pra ne jemi 22 milion euro apo 3.2% më shumë. Sipas trendit momental ne do të tejkalojmë edhe projeksionin buxhetor deri në fund të vitit”, thuhet në njoftimin e Doganës.

“Kjo rritje e të hyrave bëhet edhe më domethënëse kur dihet fakti se gjatë këtij viti kemi pasur ndryshime në politikat fiskale si dhe ka filluar marrëveshja e Stabilizim Asocimit që kanë reflektuar direkt në të hyrat e mbledhura nga Dogana”.

“Si rezultat i MSA duke filluar nga 1 prilli i këtij viti, kemi liruar mallra me vlerë të  taksës doganore prej 13 milion euro, pra efekti kryesor ishte në taksën e Doganës por edhe në mbledhje e TVSH-së”.

“Derisa shtyrja e TVSH-së nga kufiri në brendi të vendit për lëndën e parë, pajisjeve prodhuese dhe teknologjinë informative kanë ndikuar direkt uljen e mbledhjes së TVSH-së me total prej 15 milion euro më pak”.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: http://gazetafjala.com/dogana-mbush-arken-e-shtetit-me-746-milione-euro/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala