Ditë më parë u përmend rrëzimi i qeverisë, Haradinaj “nis” fushatën

Autori:Gazeta Fjala

67172984_1263579480433130_5163345447720321024_n-852x460

Ditë më parë, partitë opozitare LDK dhe Vetëvendosje lëshuan edhe mbledhjen e kryesisë së Kuvendit duke thënë që shumë shpejt do të thërrasin mocion mos-besimi ndaj qeverisë Haradinaj.

Kjo pasi siç thonë nga këto parti, arsyet janë vendimet jo-kushtetuese, korrupsioni e nepotizmi.

Bile votat për të rrëzuar qeverinë Haradinaj i kanë premtuar edhe deputetët e PSD-së.

Andaj, si duket, për këtë punë ka filluar të përgatitet edhe vet kryeministri Ramush Haradinaj, që është edhe kryetar i AAK-së, madje goxha intensivisht.

Së pari, të mërkuren e 17 korrikut, Ramush Haradinaj, derisa ishte bashkë me zëvendësin e tij në qeveri, Fatmir Limaj, në bastionin e këtij të fundit, në Malishevë, u takua edhe me strukturën e partisë së tij në këtë qytet.

Bile këtu deklaroi se besimi në partinë e tij po rritet me të madhe.

“Qytetarët e Malishevës nuk do ta kenë të vështirë të zgjedhin AAK-në, duke qenë forca e duhur për vendime të mëdha, që i japin dinamikë të re forcimit të shtetit zhvillimor”, deklaroi Haradinaj, shkruan gazeta inFokus.

Po atë ditë, Haradinaj vizitoi edhe degën e AAK-së në Vushtrri, në Kuvendin e VIII-të zgjedhor të saj.

Edhe këtu Haradinaj u kujdes të tregoi se puna e partisë së tij në ekzekutiv po bën që të rritet edhe numri i përkrahësve, shkruan gazeta inFokus.

“AAK po i përmbushë pritjet e qytetarëve në qeverisjen e saj, në nivel nacional dhe lokal, dhe kjo ka bërë që të shtohet hovshëm interesimi i qytetarëve në tërë vendin për t’iu bashkuar rrugëtimit të saj si familje politike”.

Veç Malishevës e Vushtrrisë, brenda dy ditësh Ramush Haradinaj vizitoi edhe qytetin e Fushë Kosovës e strukturat e partisë së tij në këtë vend.

“Kryetarit Besnik Shala dhe Kryesisë iu shpreha mbështetje të parezervë në mbarëvajtjen e realizimit të programit partiak, duke iu përgjigjur interesimit të shtuar të qytetarëve për t’iu bashkuar AAK-së. Guximi për të krijuar e shquan Aleancën dhe do të vazhdojmë në këtë frymë për ta bërë diferencën në vend”, ka deklaruar Ramush Haradinaj./Gazeta inFokus/

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: http://gazetafjala.com/dite-me-pare-u-permend-rrezimi-i-qeverise-haradinaj-nis-fushaten/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala