Dëshmitari tregon si ndodhi sulmi terrorist në Zelandë

Autori:Gazeta Fjala

zelanda-2-600x360

Gazetari i Zelandës së Re të “Herald”  Kurt Bayer i tha BBC-së se të mbijetuarit e sulmit i kishin treguar se si ata iknin nga xhamia e “Al Noor” përmes një dritareje në pjesën e pasme të ndërtesës dhe pastaj u fshehën pas automjeteve në park.

Ata i thanë atij se më vonë e panë atë dhe mendonin se ishin rreth 30 trupa të vdekur si dhe shumë të plagosur brenda dhe para xhamisë.

Kryeministrja e Zelandës së Re, Jacinda Ardern e ka përshkruar incidentin si sulm terrorist dhe si një nga “ditët më të errrëta” të vendit.

Ajo ka konfirmuar se 40 persona janë vrarë dhe të paktën 20 të tjerë janë plagosur në sulmet ndaj dy xhamive në Christchurch.

Në ndërkohë, zëdhënësi i Policisë ka njoftuar se për këtë rast tre burra dhe një grua janë në paraburgim derisa ka paralajmëruar se shumë të dyshuar të tjerë mund të jenë akoma të lirë.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: http://gazetafjala.com/deshmitari-tregon-si-ndodhi-sulmi-terrorist-ne-zelande/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala