Kosovarët të armatosur me armë ilegale

Autori:Arjeta Shabani

epa05085844 (FILE) A file photograph showing guns on display at a press conference announcing the bust of a gun trafficking  ring at Police Headquarters in New York, New York, USA, 27 October 2015. US President Barack Obama said in his weekly address on 01 January 2016 that he called on everyone to join him in the fight to reduce gun violence, because it?s going to take all of us to make America safer for our children and on 04 Janaury 2016 will meet with the Attorney General, Loretta Lynch, to discuss the options.  EPA/ANDREW GOMBERT

“E kam përmendur edhe në një intervistë se qitja me armë është traditë shqiptare, me të vërtetë është traditë e hershme shqiptare”, kështu ka deklaruar ditë me parë vet kryeministri Ramush Haradinaj, kur ishte pyetur për gjuajten me armë të zyrtarëve të shtetit në një odë.

E që kosovarët i duan armët dhe kanë dëshirë t’i mbajnë ato në shtëpitë e tyre, e dëshmojnë edhe shifrat e institucioneve të sigurisë.

Aktualisht në tërë Kosovën, janë afro 300 mijë armë që gjenden në duart e qytetarëve, por që nuk kanë leje për përdorimin e tyre.

Vetëm 50 mijë prej tyre janë të regjistruara.

Së paku kështu thonë në Ministrinë e Punëve të Brendshme për Gazetën Fjala. Sipas MPB-së, shumica e këtyre armëve janë për gjueti dhe shejtari.

“Armë të regjistruara në Kosovë janë rreth 50.000 dhe shumica nga to janë armë për gjueti dhe shejtari, Kategoria B C dhe D”, kanë thënë nga MPB-ja.

E për çdo vit, Policia e Kosovës konfiskon rreth 1 mijë e 500 armë pa leje.

“Armë ilegale në vend llogaritet të jenë rreth 230.000 dhe Policia e Kosovës konfiskon çdo vit rreth 1500 armë”, thuhet në përgjigjet e MPB-së, drejtuar Gazetës Fjala.

Mbi 1 mijë armë të konfiskuara çdo vit

Se konfiskohen mbi 1 mijë armë për çdo vit, këtë e konfirmojnë edhe vet Policia e Kosovës për Gazetën Fjala.

Në Polici thonë se përmes operacioneve policore, çdo vit konfiskohen rreth 1200 deri në 1500 armë. Thonë se kanë lanësuar në vazhdimësi fushata vetëdijsuese për rrezikun që paraqesin armët ilegale dhe posedimin apo përdorimin e kundërligjshëm të tyre.

“Policia e Kosovës bazuar në detyrat dhe autorizimet ligjore në vazhdimësi ka ndërmarr veprime konkrete në funksion të krijimit të një sigurie më të madhe për qytetarët duke konfiskuar edhe një sasi të konsiderueshme të armëve, mjeteve të pashpërthyera dhe municioneve të ndryshme gjatë gjithë këtyre viteve të pasluftës”, thuhet në përgjigjet e Policisë drejtuar Gazetës Fjala.

Për numrin e armëve që ka në pronësi Policia e Kosovës, ata nuk janë deklaruar.

“Rreth armëve që posedojnë PK e FSK janë armë të kalibrave të ndryshme.”

Poashtu inkurajojnë qytetarët, që nëse kanë informacione të cilat mund të qojnë në identifikimin apo gjetjen e armëve që e cenojnë sigurinë e qytetarëve, të njoftojnë Policinë.

“Inkurajojmë të gjithë ata që kanë informacione relevante të cilat mund të qojnë në identifikimin apo gjetjen e armëve, municioneve apo mjeteve tjera të rrezikshme që cenojnë sigurinë e qytetarëve, të njoftojnë Policinë, të bashkëpunojnë me organet kompetente dhe veprime të nevojshme do të ndërmerren sipas ligjeve në fuqi”, thonë nga PK-ja.

Armët ilegale, rrezik për sigurinë e përgjithshme

Numri kaq i madh i armëve ilegale në duart e qytetarëve, nga njohës të sigurisë po vlerësohet si rrezik për sigurinë e përgjithshme në Kosovë dhe në veçanti për vetë qytetarët.

Madje, sipas tyre armët ilegale janë një prej problemeve kryesore që e ka aspekti i sigurisë publike në Kosovë.

Eksperti për çështje të sigurisë nga Qendra Kërkimore për Politika të Sigurisë, tanimë zëvendësministër në MFSK, Burim Ramadani, kishte thënë  për Radion Evropa e Lirë se posaçërisht përdorimi i armëve nga të miturit mbetet mjaft shqetësuese për sigurinë në vend.

“Nga raporti i UNDP-së llogaritet që janë 350 mijë armë të vogla dhe të lehta në formë ilegale në duart e qytetarëve. Policia disa herë ka shkatërruar një numër të tyre , prezenca mbetet jashtëzakonisht e madhe”.

Sipas Ramadanit janë dy mënyra të ndryshme për ta larguar këtë dukuri.

“E para është rritja e vetëdijesimit sidomos tek prindërit, që të mësojnë fëmijët e tyre për pasojat e armëve ilegale, si dhe të ndërtohet një program nacional kombëtar për të shkëmbyer armët ilegale me elemente tjera, që mund t’i hyjnë në punë familjeve”, kishte thënë Ramadani.

Ndryshe, posedimi i armëve në Republikën e Kosovës rregullohet me ligj, prandaj edhe bartja apo posedimi i tyre në mënyrë të kundërligjshme është e sanksionuar me ligj./Gazeta Fjala/.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: http://gazetafjala.com/analiza/kosovaret-te-armatosur-me-arme-ilegale/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala