Alarm nga Banka Botërore, “Zajednica” rrezikon Kosovën

Autori:Gazeta Fjala

zajdenica

Banka Botërore ka alarmuar për një rrezik shumë serioz që mund ti kanoset Kosovës në ditët në vazhdim. Krijimi i Asociacionit të Komunave më Shumicë Serbe dhe Forcave të Armatosura të Kosovës janë dy rreziqe politike të cilat sipas bankës botërore mund të ndalin hovin rritjes ekonomike që u tha se do të jetë 4.8 për qind këtë vit, shkruan Infokusi.

“Edhe pse pozitive, perspektiva e Kosovës është e cënueshme nga rreziqet që kanë të bëjnë me të dy politikën vendëse dhe rritjen më të dobët në Evropë se që ishte projektuar”, thuhet në raportin e fundit të Bankës Botërore për ekonominë në Ballkanin Perëndimor, të titulluar “Ndjeshmëritë ngadalësojnë rritjen”.

Sipas këtij raporti, Qeveria e Kosovës mban vetëm 61 nga 120 vende në parlamentin e Kosovës dhe kjo mund të paraqes telashe të mëdha në përmbushjen e shumë obligimeve që lidhen direkt me zhvillimin ekonomik në vend.

Financimi i projekteve të mëdha me para të institucioneve financiare ndërkombëtare, reforma në skemat sociale e adresimi i korrupsionit vlerësohet se mund të pengohen nga mungesa e stabilitetit politik, shkruan Infokusi.

Çdo vonesë në reforma, për të mbuluar përfitimet e veteranëve të luftës ose për të parandaluar ngritjet në përfitime sociale të pakontrolluara dhe të financimin e skemave të pensionit të parakohshëm, sipas këtij raporti mund të rrezikojnë qëndrueshmërinë fiskale.

“Rreziqet politike mund të rriten me krijimin e Asociacionit të Komunave me Shumicës Serbe dhe krijimin e Forcave të Armatosura të Kosovës”, thuhet në raportin e Bankës Botërore.

Përveç kësaj, një rrezik tjetër që i kanoset Kosovës këtë vit është rënia e investimeve të huaja direkte dhe zvogëlimi i të ardhurave nga diaspora.

“Zgjerimi i investimeve publike 2018-20 mund të përballet me kufizime të kapaciteteve; rritja më e ulët se që ishte parashikuar në Eurozonë mund të zvogëlojë remitancën dhe IHD-të”.

Për të balancuar rreziqet, Banka Botërore rekomandon se duhet zbatohen reformat prioritare për të ruajtur stabilitetin fiskal, duke i zhvendosur burimet për sektorët e tregtueshëm, duke e rritur produktivitetin, angazhimin dhe punësimin e të rinjve dhe grave, duke adresuar korrupsionin, duke e përmirësuar qëndrueshmërinë mjedisore dhe adresimin e kufizimeve të infrastrukturës./Infokusi/

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: http://gazetafjala.com/alarm-nga-banka-boterore-zajednica-rrezikon-kosoven/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala