Aksident me fatalitet: Autobusi me nxënës përplaset në autostradë, vriten 16

Autori:Gazeta Fjala

autobuss

Një autobus në Itali që po mbante nxënës u përplas në një urë, ku më pas edhe shpërtheu nga goditja. Raportohet se 16 persona kanë vdekur dhe të paktën 39 të tjerë janë plagosur

Autobusi ishte hungarez dhe ishte nisur drejt Budapestit nga Franca, transmeton Gazeta Express.

Incidenti ndodhi në dalje të autostradës A4 në Verona, në orët e para të mëngjesit.

Thuhet se gjithsej 55 persona ishin në bord – 50 prej tyre adoleshentë.

Agjencia e lajmeve italiane Ansa thotë se fëmijët ishin kryesisht djem, të moshës 14 deri 18 vjeç, transmeton Gazeta Express.

Thuhet se disa prej tyre janë hedhur nga dritarja pas goditjes, e që ranë nga ura në lum. Të tjerët janë bllokuar brenda pas shpërthimit.

Autoritetet thonë se dhjetë prej tyre janë dërguar në spital, të cilët kanë marrë plagë të rënda.

Numri i të vdekurve pritet të rritet, pasi shumë ka të lënduar rëndë nga ky aksident.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: http://gazetafjala.com/aksident-me-fatalitet-autobusi-me-nxenes-perplaset-ne-autostrade-vriten-16/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala