Abramovich mendon shkarkimin e Contes, PSG gati të përfitojë

Autori:Gazeta Fjala

conte

Humbja ndaj Arsenalit dhe eleminimi nga Carabao Cup nuk kërcënonte largimin e Antonio Contes nga Chelsea, të paktën deri në fund të këtij sezoni.

Por, ajo që duket se nuk i ka pëlqyer Roman Abramovich dhe drejtuesve të tjerë të Chelseat ka qenë një deklaratë e trajnerit italian dhënë në fund të takimit ndaj “Topçinjëve”.

“Blerjet e kryera këtë sezon nuk janë konsultuar me mua. Nuk kam patur të bëj fare me merkaton”, ishte deklarata e Conte-s.

Pikërisht këto fjalë, sipas raportimeve në mediat sportive britanike kanë tërbuar Roman Abramovich.

Mliarderi rus thuhet se po negocion me disa emra të tjerë për të marrë drejtimin e skuadrës së tij, duke ngjallur zërat për një shkarkim para fundit të sezonit të Antonio Contes.

Ndeshja ndaj Newcastle për FA Cup, duket se është vënë si mundësia e fundit.

Nga kjo, si në Angli dhe Francë thuhet se po përpiqet të përfitojë PSG, që kërkon ta lidhe trajnerin italian në një kontratë për sezonin e ardhshëm.

Ndërkohë, si pasues të Contes në Londër qarkullojnë dy emra. I pari është Luis Enrique dhe i dyti, ish-i Carlo Ancelotti./ Top Channel

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: http://gazetafjala.com/abramovich-mendon-shkarkimin-e-contes-psg-gati-te-perfitoje/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala